Təhsil mərkəzləri üçün imtahan nəticə sistemi necə qurulur
GSL və Naxçıvan Təhsil Mərkəzi üçün qurduğum sistem: Sekonic optik oxuyucu, lokal API, bilet satışı və otaq yerləşdirmə alqoritmi.
Təhsil mərkəzlərində imtahan günü ən çox sual verilən mövzu nəticələrdir. GSL Tədris Mərkəzi və Naxçıvan Təhsil Mərkəzi üçün qurduğum sistemlərin məqsədi sadə idi: şagird iş nömrəsini daxil etsin və nəticəsini dərhal görsün.
Axın
Şagirdlərin cavab vərəqələri Sekonic optik oxuyucu ilə oxunur.
Məlumatlar mərkəzdəki lokal API-ya göndərilir və düzgün cavablarla avtomatik müqayisə olunur.
Nəticələr sistemə yüklənir və saytda elan edilir; şagird imtahan sessiyasını seçib iş nömrəsi ilə nəticəsini etalon formatında alır.
Onlayn bilet satışı
Naxçıvan Təhsil Mərkəzi üçün bilet sistemi üç növ imtahanı dəstəkləyir:
Məntiq – 1–11-ci siniflər, AZ/RU sektor seçimi
Blok – 9–11-ci siniflər, I–IV qrup və sektor seçimi
Kaspi – bütün siniflər; 7–8-ci siniflər üçün Texniki/Humanitar istiqamət
Ödəniş bank kartı, Apple Pay və ya imtahana gələndə nağd şəkildə edilə bilir.
Otaq yerləşdirmə alqoritmi
Otaqlar iki kateqoriyaya bölünür: 1–8 və 9–11-ci siniflər. Məsələn, 30 nəfərlik otaqda 8 sinif iştirak edirsə: 30 ÷ 8 = 3, qalıq 6. Hər sinifdən minimum 3 nəfər yerləşdirilir, qalan 6 yer isə təsadüfi paylanır. Blok imtahanlarında sistem qarışıq bölgü tətbiq edir ki, eyni sinif və qrupun bir otaqda toplanma ehtimalı minimum olsun.
Nəticə
Bu sistemlər mərkəzlərin işini sürətləndirdi, səhv ehtimalını azaltdı və valideynlərə şəffaf nəticə imkanı verdi. Layihələrin detalları: GSL Education Center · Nakhchivan Education Center